Xornada organizada pola Facultade de Socioloxía da Universidade da Coruña ao redor de experiencias no eido social que promovan a participación cidadá na mellora do ben común. Os e as participantes poderán coñecer a fondo proxectos baseados no principio ético da xustiza ecosocial como a Eira da Xoana, Arqueixal ou a actividade da Plataforma Ulloa Viva. Por parte desta última, participarán o presidente, Juan Pedro Sánchez, e a voceira, Marta Gontá.