Este venres, 12 de decembro, realizarase en Palas de Rei a proxección do documental “Filtrando a luz”, onde se fai crónica da historia do movemento ecoloxista galego dende os anos sesenta até a actualidade. No acto, que comezará ás 20:00 horas na casa de cultura, contarase coa presenza do director do filme, Xacobe Meléndrez Fassbender, que participará nun coloquio posterior ao visionado. Organizan o grupo Palas Viva, da Plataforma Ulloa Viva, e a Federación Ecoloxista Galega (FEG).