Greenfiber desistíu do procedemento despois de que seu proxecto fose rexeitado na resolución inicial por varias causas, entre elas as de non cumprir os requisitos e esixencias medioambientais.
O Ministerio de Industria vén de publicar a resolución definitiva de axudas Perte-Liña 4, á que inicialmente se tiña presentado o proxecto Greenfiber-Altri. Un procedemento de axudas ao que Altri desistiu expresamente.
Greenfiber desiste do procedemento despois de que seu proxecto fose rexeitado na fase provisional de valoración, debido, entre outros, a que non se axustaba aos criterios e esixencias medioambientais de ditas axudas, e conforme aos criterios da Unión Europea para os proxectos tractores desta liña de axudas. Entre as causas de exclusión estaba a de consumo de combustibles fósiles.
Contrariamente ao que tiña publicitado Greenfiber, ao desistir do procedemento, renuncia de facto tamén a recorrer contra da resolución definitiva, quedando definitivamente fóra desta liña de axudas, á que tiña solicitado unha subvención de 30 millóns de €.
A Plataforma Ulloa Viva segue a demandar do goberno da Xunta, Estado e da UE que o proxecto Altri non pode ser receptor de axudas ou subvencións públicas dado que é contrario ás esixencias e criterios medio-ambientais como é o principio básico de non causar perxuizo significativo ao medio ambiente (DNSH).